طريقة عمل فايش صعيدى

0

طريقة عمل فايش صعيدى

المقادير

٥كيلو دقيق

٢ونص كوب سمنه


نص كيلو سكر


سمسم


حبهان ومحلب من عند العطار


خميره


وواحده بيكنج بودر و٥فانليا عشان ريحته تبقى جميله


وكركم عشان اللون


ونص كيلو لبن


الطريقه
تكونى من بليل تخمرى يقا خميره فى شويه ميه حلوه دافيه ومخمره بشويه دقيق
لما تخمر بقا وتمله الحله تقومى فى جايبه فى حاجه واسعه احنا بنقول عليه عجنيه او مجور وتقومى جايه كل المقادير معاده الدقيق والبيكنج بودر .
وتضربيها كويس لغاية مايدوب السكر والسمنه
وبعد متتاكدى من دوبان السكر تقومى جايبه الدقيق المنخول ومخلطه بالبيكنج بودر ومخلطه بباقى المقادير وتخلي وتعجنى كويس كويس بالميه الدافيه حبه .
لغايه متحسى العجينه مبتبزقش فى ايدك متوسطه يعنى ولا تخينه ولا مهيا
وتسبيها تخمر بقا برحتها.
تقومى بعد كدا مشكلها ورصاهم على الصيجان وتسيبها تخمر تانى
تكونى مسخنه القرن وتحطيهم لغايه ميستوه وبعد كدا تطلعيه
وتسيبيه يرتاح شويه لو حابه كدا ماشى انما احنا بنقرقشو يعنى عشان الكميه كبيره وطعمه ييقا حلو وكدا
بعد ميرتاح شويه عشان ميعصعصش ولا يكبد تقومى بعد فكفكتيه من بعضوه وريحتيه تقومى رصاه فى صيجان ومدخله الفرن يحمر من فوق وتحت .
وبالهنا والشفا .