مطبخ لوكا
موقع طبخ يهتم باحدث الاكلات العربية والغربية

طريقة عمل بيتزا محشية الاطراف

0

مرحبا بكم فى مطبخ لوكا من جديد بنقدملكم اليوم طريقة عمل البيتزا المحشية من الاطراف مثل المحلات بالظبط وبطريقة سهله وهنعرفكم سر عمل بيتزا المحشية من الاطراف لكي تتمكنون من عملها بالمنزل باسهل الطرق واقل التكاليف والمكونات فتابعونا “-

اولا المكونات :

عجينة البيتزا
معلقة كبيره خميره على نص كوباية لبن دافيه وتتغطي بطبق او كيس وتتحط ف مكان مقفول لحد ما تفور ونتأكد انها حلوه
هو خميرة دريم حلوه ونحط معاهم معلقة سكر ومعلقة ملح
وكوبايتين ونص دقيق وبيضه ومعلقة مسطرده وحوالي ٥ معالق زيت زيتون او زيت اكل عادي
وتتعجن كويس وهنزود لبن بالتدريج لحد ما تلم وتبقى بتمط شويه مبتتقطعش .. احسن حاجه تطلع العجينه حلوه
كتر العجن .

طريقة التحضير


فردتها اكبر من مقاس الصينيه عشان الف الاطراف وحشيتها شيدر وموتزاريلا
الصلصه انا حطيت صلصه جاهزه واحيانا بحط كاتشب  مفيش وقت نضيعه في الصلصه بصراحه
الفلفل والطماطم متقطعين شرايح
وقطعت فراخ كانت مشويه من اكل امبارح
وفوقهم الزيتون والجبنه
اهم حاجه تخلى الشكل حلو والمطه مظبوطه نوع الجبنه لان في انواع مش بتسيح وبتتحرق اصلا
وكمان انك توزعي الجبنه حلو وتبقي كريمه شويه
هي دي استهلكت حوالي ربع كيلو موتزاريلا يعني ارخص من الجاهزه بمراااحل وانضف .

وبالف هنا وشفاء عليكم وعلي جميع افراد الاسرة الكريمة ونتمني ان تكون نالت علي اعجابكم ولا تنسو مشاكتها للاصدقاء والاقارب والاحباب وانتظرونا فى وصفة واكلة جديدة علي مطبخكم مطبخ لوكا .

اترك رد

لن يتم نشر عنوان بريدك الإلكتروني.